Anders Fimreite (fødd 28. februar 1923 i Fardal, død 16. februar 2011) var kontorist og fotograf.
Han var son av Adolf Fimreite og Emilie Fimreite. Faren arbeidde på damanlegg i Høyanger, så familien flytta dit då Anders var liten. Etter handelsgymnas i arbeidde han på lønningskontoret på NACo i 1940-åra.
31. desember 1946 gifta han seg med Sigrund K. Stangeland. Dei fekk tre born.
Fotograferinga starta han med i 1947/1948. Det var fyrst på amatørbasis, med eige mørkerom i kjellaren. Etter kvart byrja han eksperimentere med meir avansert utstyr, og han vart fast fotograf for Høyang-Nytt. Fimreite vann fleire prisar, og fekk publisert bilete i norske og utanlandske publikasjonar. I 1965 måtte han slutte med mørkeromsarbeid, då han fekk eksem av framkallingsvæska. Det førte til at han mista noko av interessa for fotografering, men han haldt fram med å ta bilete på hobbybasis.