Johannes Samuelsson Hegrenes (fødd 22. september 1842, død 21. juni 1939) var omreisende fotograf i Gloppen mellom 1870 og 1903. Han nytta signaturen «J. Hegg».
Han var son av garbrukar Samuel Andersson Hegrenes og Eli Johannesdotter Hegrenes. Han vart gift den 29. april 1908 med Johanne Arnesdotter Arnestad (1859–1917).
Johannes Hegrenes flytta til Sundal i Brandsøy før 1863. Han skal ha verka som fotograf i Gloppen 1870-1903. Hegg er nemnd som fotograf i folketeljinga frå 1891. Anna Engbø har skreve ein omtale av han i Firda Tidend. Omkring 1903 reiste han attende til Sunnfjord og kjøpte eit småbruk i Høydal.
Bilete av han finst hos Lars R. Lunde. Eitt bilde (ca. 1880) i Gamle Bergen Museum.