Thor Jonsson Næss (fødd 15. mars 1873 i Vik i Sogn, død 1933 på Tynset) var fotograf. Han dreiv fotograferingsatelier i Bergen, foruten å vere omreisande fotograf.
Han var son av gardeigar Jon Torsson Næss (f. 1849) og Brita Hermundsdotter Næss (f. 1842), og vaks opp på garden Indre Næss i Vik. I folketeljinga 1910 er han oppført to ganger som ugift: tilreisande fotograf på Laurgård i Sel kommune og som losjerande på Svendsgård på Dovre. Det går fram av teljinga at han var utmeld av Den norske kyrkja og ikkje tilhøyrde noko trussamfunn.
Fotoutstyret drog han med seg i ei handkjerre etter sykkelen. Han spesialiserte seg på å fotografere folk og verksemd på anlegg rundt om i landet, og han tente bra på å omsette bilete til anleggsarbeidarane. Næss budde mellom anna i Oppdal i fleire periodar, der han produserte og omsette ei mengd bilete. Det er usikkert kvar utstyret og negativa etter Næss finst.
I arbeid...