Annie (Anni) Christine Gangestad (fødd 6. april 1888 i Øyestad, død 1959) var lærar og fotograf. Ein del bilete finst i Aust-Agder-arkivet.
Ho var dotter av folkeskulelærar Johan Gangestad (f. 1849) og Hanna Katrine Gangestad (f. 1858).
I folketeljinga 1910 finn vi ho som «barnefrøken» hos trelastgrosserar Oswald Helle Gotlieb Gjedde Parr og Clara Parr i Frognerveien (Oslo) 19 i Kristiania.
Ho blei uteksaminert frå Kristiansand lærerskole i 1914.[1] I 1915 blei ho tilsett som timelærar ved Songe skole i Arendal.[2] Året etter fekk ho jobb på Arendals folkeskole, og frå 1916 til 1923 var ho på Kolbjørnsvik skole. I 1923 fekk ho jobb på Rjukan byfolkeskole. I 1928 hadde ho ei studiereise til Tyskland og Italia. Seinare finn vi ho i Andebu, der ho blei tilsett som lærar i 1933.
I 1952 blei ho vald som formann i Aust-Agder Mållag.[3] Ho var med på å grunnlegge Austegdelaget, og ho var aktiv i partiet Venstre.
- ↑ «Lærerinneansettelse i Andebu» i Sandefjords Blad 1933-04-08. Digital versjon på Nettbiblioteket.
- ↑ «Arendals Skolestyre» i Vestlandske tidende 1915-05-22. Digital versjon på Nettbiblioteket.
- ↑ «Ny formann i Aust-Agder Mållag» i Fædrelandsvennen 1952-10-04. Digital versjon på Nettbiblioteket.
I arbeid...