Gunnar Scott-Ruud (5. mars 1897–25. januar 1953) var ein norsk kartteiknar og kunstmålar.
Scott-Ruud arbeidde ved Norges Geografiske Oppmåling medan han utdanna seg ved Statens håndverks- og kunstindustriskole. Han utdanna seg vidare ved Pola Gauguins malerskole i Kristiania, før han heldt fram utdanninga i Paris 1920-21 ved École des Beaux-Arts under Fernand Cormon samstundes som han fekk undervisning av Othon Friesz og André Lhote.
I 1922 flytta han i lag med kona Marie til «Feierstua» (Feierbakken 7) i Son, til eit hus han ervde etter far sin. Året etter debuterte han på Høstutstillingen. Den fyrste separatutstillinga hadde han hos Blomqvist i 1927.
Scott-Ruud er representert i Nasjonalgalleriet og i Bergen Billedgalleri. Han måla bilete med breie, faste strok, i ein forenkla, naturalistisk stil. Han brukte gjerne mørke jordfargar.
[nn]
I arbeid...