Ole Olsen Ranheimsæter (fødd 1856 i Oppdal, død 1926 i Sunndal) var fotograf i Sunndal og Kristiansund.
Han var son av gardbrukar Ole Ranheimsæter. Han vart gift med Catharine Christine Petersen (f. 1858), og dei hadde ein son, Carl O. Ranheimsæter som også blei fotograf. Han byrja i fotograflære hos K.L. Schmedling 21. august 1871 i Kristiansund, overtok hans firma i 1880 og dreiv det til 1916. Då flytta han til Sunndal, kor han ved sida av fotografforretninga starta ein kino som han dreiv til sin død.
Atelieret i Kristiansund vart overteke av F.O. Knudsen. Det finst arkiv etter ham frå om lag 1890 på Tingvoll Bygdemuseum, Meisingset. Han hadde diplom frå Tromsøutstillinga i 1894 og var ein av utstillarane på Bergensutstillinga i 1898. Fotograferte Ålesund by berre få dagar etter den store brannen i 1904. Fleire bilete er oppbevart ved Aalesunds Museum. Han har fotografert Ålesund tidlegare, i 1880, då han har utgjeve ein montasje i kabinettformat av ein del Ålesundsbilete frå den tid.