Lindeman, Ludvig Mathias (1812 - 1887)

Ludvig Mathias Lindeman (28. november 1812–23. mai 1887) var ein norsk komponist, organist og folkemusikksamlar fødd i Trondheim. Han var den første i Noreg som begynte å samle inn folkemusikk systematisk.

Far hans, Ole Andreas Lindeman, var organist og konsertpianist. Ludv. M. Lindeman hadde studert både teologi og musikk og var organist i Vor Frelsers Kirke i Christiania (no Oslo domkyrkje) i Oslo i 47 år. Han samla mesta 2 000 norske folkemelodiar. Saman med sonen Peter grunnla han Musikkonservatoriet i Kristiania som seinare vart Norges musikkhøgskole.

I åra 1853–67 gav han ut Ældre og nyere norske Fjeldmelodier. Samlede og bearbeidede for Pianoforte i tre band. Desse hefta inneheld folkemusikk for song, hardingfele, bukkehorn, langeleik og fleire. Desse melodiane var alle arrangerte for piano, slik at stykka miste mange av dei stiltypiske detaljane i norsk folkemusikk, noko som førte til kritikk frå fleire kantar — mellom anna frå Edvard Grieg, sjølv om Grieg brukte materialet i hefta for sine eigne komposisjonar. I originaloppteikningane har Lindeman likevel registrert både uvanlege intervall og rytmiske detaljar. I 1907 vart eit siste hefte i samlinga utgjeve av sonen Peter.

[nn]

Lindeman, Ludvig Mathias (1812 - 1887)

Other languages: Lindeman, Ludvig Mathias (norwegian bokmål), Lindeman, Ludvig Mathias (swedish), Lindeman, Ludvig Mathias (french), Lindeman, Ludvig Mathias (german)