Tollef Danielsson Sandal (fødd 1886 i Jølster, død 1977) var fotograf i Jølster og Førde i Sunnfjord.
Han var son av gardbrukar Daniel Danielsson Sandal (f. 1855) og Taline Tollefsdotter Sandal (f. 1850), og vaks opp på Sandal i Jølster.
Det er mange bilete etter han i privat eige i Jølster. Dåverande Jølster kommune hadde på slutten av 1980-talet eit par hundre kopiar på fotokort. Ifølgje kultursjef Geir Tore Vestad fanst det store og gode glasplatesamlingar etter han. Det er truleg dottera som har desse.