Kaupanger stavkyrkje (Kirke) [no]
Other languages: Kaupanger stavkyrkje (norwegian bokmål)
Kaupanger stavkyrkje Kaupanger stavkyrkje er bygd ein gong på 1100-talet, etter at den tidlegare kyrkja på staden brann i 1130. Både skip og kor har heva midtrom, og på mønet over skipet sit ein takryttar omkransa av fire mindre spir. Kyrkja har utvendig kledning av liggjande supanel. Kaupanger blir rekna som ei av dei stavkyrkjene som er beste tekne vare på i Noreg. Det er funne spor av to tidlegare stolpekyrkjer på staden. Den berande stolpekonstruksjonen i desse kyrkjene var fundamentert rett i jorda, og rotna dermed lett. Midtromma i skip og kor er borne oppe av til saman 22 stolpar, eller stavar. Kyrkjeskipet har åtte stavpar i midtrommets lengderetning. Den berande konstruksjonen med stolpar, eller stavar, feste i ein horisontal bjelke ovantil og ein botnsvill nedantil, har gjeve opphavet til nemninga stavkyrkje. Opphavleg har det vore svalgang rundt kyrkja, men denne vart fjerna på 1600-talet. Då fekk kyrkja også nye vindauge og liggjande panel. Kyrkja vart modernisert på 1800-talet, men på 1960-talet vart ho attendeført til 1600-talsuttrykk.
I samband med restaureringa, vart inventaret frå 1600-talet sett attende i kyrkja, blant anna preikestol, altertavle og døypefont, som vart gjevne som gåve til kyrkja av futen Gøde Pedersen på 1600-talet. Preikestolen er i renessansestil, og den todelte altertavla med rikt dekorerte vengjestykke har bilete av Krossfestinga og Oppstoda. Over koropninga er det ein utskoren boge frå 1200-talet, som truleg kjem frå ein alterbaldakin. Kjelder: Anker, Leif: De norske stavkirkene, Oslo 2005 www.fortidsminneforeningen.no. Lest: 18.11.11
Work in progress...