Ås kyrkje er ei langkyrkje i Ås kommune i Akershus fylke. Kyrkjestaden går attende til mellomalderen, og kyrkja var i si tid den største steinkyrkja i Follo.
Den noverande kyrkja vart teikna av Jacob Wilhelm Nordan og oppført av byggmeistrane Gulbrand Johnsen og Andreas Sand i 1866–67. Kyrkja er av tegl, og veggane er upussa utvendig og pussa inne i kyrkja. Koret er polygonalt avslutta.
I staden for altartavle har kyrkja glasmåleri (1930) av Per Vigeland i korvindauga. Døypefonten i kleberstein er frå mellomalderen, og kyrkja har eit epitafium frå 1682 over Jørgen Harder og hans hustru Helene Jacobsdatter.
[nn]
I arbeid...