Anders P. Vallevik (født 12. september 1874 i Ulvik, død 27. juli 1965) var fotograf, poståpnar, telefonbestyrar og gardbrukar i Ulvik.
I folketeljinga 1910 er han ført som handelsmann og gardbrukar på Vallevik. Han var gift med Marta Osmundsdotter (f. 1882), og ved teljinga hadde de tre born i huset.
Han hadde læretid om lag eit halvt år rundt 1918 hos N. Perscheid i Berlin. Dreiv i 20 år også som frakteskipper. men selde skuta i 1937. Han hadde apparatet med seg over alt. Han har sjølv oppgjeve at han i 1897 overtok eit fotografatelier i Ulvik (Vallevik) etter ein annan fotograf som hadde starta det i 1876, men oppgav ikkje kven dette var. Det er mogleg at det var Eikenæs. Så seint som i 1955 leverte han bilder til Historisk Museum, Universitetet i Bergen, der nokre få av hans plater no er. Han fotograferte mykje for Hardanger-Sunnhordlandske.
I 1957 vann han, meir enn 82 år gammal, ein internasjonal fotokonkurranse i Tyskland. Dette er det siste året det ser ut til at han var aktiv som fotograf. Kopier av hans bilete samt 1550 plater er no i Hardanger Folkemuseum.