Bendik Sande (fødd 1867, død 1948), fullt namn Bendik Johan Nikolai Johansen Sande, var gardbrukar i Sande på Sunnmøre.
Han var son av Johan Overvåg og Mathilde Olsen. I 1892 gifta han seg med Malla Gurskevik. Truleg var han utdanna gartnar, og ved sida av gardsdrifta dreiv han også med trankoking, som fyrvakt og som postmedarbeidar.
I folketeljinga 1900 finn vi han som gardbrukar og fyrtilsynsmann på Nordre Sande, gnr. 73/2 i Sande. Han budde på garden med kona og mor si, som i 1900 var enkje.
Han byrja å fotografere kring 1900 og var aktiv til ut i 1930-åra. Sande var sjølvlært som fotograf. I folketeljinga 1910 kan vi sjå at det var meir enn ein hobby, for no står han ført som gardbrukar med bygsel, fotograf, fyrtilsynsmann med meir. I denne teljinga bur han på Ystebø, gnr. 73/1, framleis med mora og kona.
I arbeid...