Knut Knutsson Syltevik (fødd 30. april 1848 ved Geiranger, død 27. mars 1906) var gardbrukar og fotograf. Han hadde i 1870-åra atelier på garden Ellingbø i Vang i Valdres.
Knut var son av Knut Knutsen Syltevik (1812-84) og Pernille Larsdatter Ringdal (1817-95). Han flytte som ung gut til Toten til ein svoger som hadde gard der, og lærte fotografering (truleg på Gjøvik ca. 1870). Han gifte seg i Valdres og slo seg ned der som fotograf i 1874. Han brukte et loft på garden som fotoatelier. Han slutta å fotografere før 1883. Knut Steinde (1888-1943), som fotograferte mykje i Vang, [tok over] kameraet og fotoutstyret hans. Valdres Folkemuseum har no atelieret til Syltevik.
Etter at han slutta som fotograf, dreiv Syltevik blant anna med post- og skysskøyring i tilknyting til skysstasjonen på Grindaheim.