Saviomuseet (nordsamisk Saviomusea) er eit kunstnarmuseum i Kirkenes i Noreg som er basert på livet og kunsten til John Savio (1902-1938). Savio var den fyrste samiske kunstnaren som hadde eit breitt offentleg gjennomslag.
Saviomuseet blei grunnlagt i 1994 med utgangspunkt i Sør-Varanger kommune si samlinga av kunsten av Savio. Denne samlinga omfatta 300 verk av John Savio: Tresnitt, måleri, akvarellar og blyantteikningar. I 2016 blei det innkjøpt ei større samling kunst frå ein privat samlar, i alt 490 einingar.
Saviomuseet er del av den samiske museumsstiftinga Tana og Varanger Museumssiida. Sidan 2002 har Saviomuseet hatt tilhald i Grenselandmuseet i Kirkenes, som er hovudbygning for Sør-Varanger museum, ei avdeling av Varanger museum.
Den fyrste Savio-prisen blei delt ut i 2015, og prisvinnaren Geir Tore Holm hadde utstilling på museet i 2016.
[nn]
I arbeid...